1 سَبِّحِ اسْمَ رَبِّكَ الْأَعْلَى

(ಸಂದೇಶವಾಹಕರೇ) ನಿಮ್ಮ ಸರ್ವೋನ್ನತ ಪ್ರಭುವಿನ ನಾಮವನ್ನು ಜಪಿಸಿರಿ,


2الَّذِي خَلَقَ فَسَوَّىٰ

ಅವನು ಸೃಷ್ಟಿಸಿದನು ಮತ್ತು ಸಂತುಲಿತಗೊಳಿಸಿದನು.


3وَالَّذِي قَدَّرَ فَهَدَىٰ

ಅವನು ವಿಧಿಯನ್ನು ನಿರ್ಣಯಿಸಿದನು. ಆಮೇಲೆ ಮಾರ್ಗದರ್ಶನ ಮಾಡಿದನು.


4وَالَّذِي أَخْرَجَ الْمَرْعَىٰ

ಅವನು ಸಸ್ಯಗಳನ್ನು ಬೆಳೆಸಿದನು-


5فَجَعَلَهُ غُثَاءً أَحْوَىٰ

ತರುವಾಯ ಅವುಗಳನ್ನು ಕಪ್ಪು ಕಸಕಡ್ಡಿಗಳಾಗಿ ಮಾಡಿಬಿಟ್ಟನು.


6سَنُقْرِئُكَ فَلَا تَنْسَىٰ

ನಾವು ನಿಮಗೆ ಓದಿಸಿ ಬಿಡುವೆವು. ಆ ಬಳಿಕ ನೀವು ಮರೆತುಬಿಡಲಾರಿರಿ-


7إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ

ಅಲ್ಲಾಹನು ಇಚ್ಛಿಸಿದ್ದರ ಹೊರತು. ಅವನು ವ್ಯಕ್ತವಾಗಿರುವುದನ್ನೂ ಗುಪ್ತ ವಾಗಿರುವುದನ್ನೂ ಬಲ್ಲನು.


8وَنُيَسِّرُكَ لِلْيُسْرَىٰ

ನಾವು ನಿಮಗೆ ಸರಳ ವಿಧಾನದ ಸೌಲಭ್ಯ ನೀಡುತ್ತೇವೆ.


9فَذَكِّرْ إِنْ نَفَعَتِ الذِّكْرَىٰ

ಆದುದರಿಂದ ಉಪದೇಶದಿಂದ ಪ್ರಯೋಜನವಾಗುವುದಿದ್ದರೆ ನೀವು ಉಪದೇಶ ನೀಡಿರಿ.


10سَيَذَّكَّرُ مَنْ يَخْشَىٰ

ಭಯಭಕ್ತಿಯುಳ್ಳವನು ಉಪದೇಶವನ್ನು ಸ್ವೀಕರಿಸಿಕೊಳ್ಳುವನು-